Fårikål + Meursault = SANT

Det er inga tvil om at hausten er her. Regnet som piskar på glasruta, den kalde vinden som føler seg litt for velkommen og den grå himmelen som held sola på avstand.

Blada fargar skogen i flotte fargar før vinden tek dei og alt blir nakent. Atmosfæren er noko trist og traust, men noko sjarmerande er det ved sesongen likevel. I denne tida vil mange søke seg mot sitt lune hi. Varme, glede og mykje god mat er å finne. No er det tid for lam!

10008954293_3fb9d6a00f_o.jpg

Hausten er utan tvil den beste tida for lam, og det er no kjøtet smakar best. Sesongane gir matlaginga ei naturleg variasjon, og i Noreg er dette heilt spesielt. For mange er hausten mellomnamnet for jakt, fiske for andre, innhausting av frukt samt mykje meir. Eit land som kan by på så mange variasjonar, ja vi er heldige. Fårikål er ein slager blant dei fleste, og det har vore både ein tradisjonskost og festmat. Å koke fersk kjøt med grønsaker er truleg noko som vart gjort i ei lang årrekkje. Retten fårikål er truleg blitt regna som kvardagsmat sidan den ikkje er nedskrive før 1800-talet. Men tida endra seg, og no er fårikål festmåltid.

Nasjonalretten fårikål er ein av få norske rettar som har ein eigen dag. Den siste torsdagen i september er fårikål sin dag. Ferskt og kokt lammekjøt serverast med kål som sentral ingrediens. Fett, kjøt og bein er essensielt. Kokinga må skje over ei lengre tid, og vil då bringe fram alle dei gode smakane.

Fårikål er enkelt, men så utruleg godt!

Framgangsmåten er ukomplisert. Lag på lag fyller ein gryta med kjøtt og kål. Litt vatn, salt, peppar og noko kveitemjøl mellom laga så er ein i mål. Det skal koke opp og la kjøtet trekkje på svak varme til kjøtet er mørt. Det vil sei at kjøtet lausnar frå beinet. Meir eller mindre kan ein rekne ca. 2 timar. Eg føretrekker å ete fårikål rykande med potet og gulerøter.

Så, kva drikk ein til?

Tradisjonelt er det øl som høyrer fårikål til. Det å vere sjølvforsynt innebar å ha øl tilgjengeleg i kjellaren. Øl var eit godt val, spesielt då ein innsåg at smaken kan bestå av å mange nyansar. Sjølv i dag er øl eit godt alternativ til fårikål. Eit lyst, fyldig og vellaga øl vil passe perfekt til retten. Om ein i tillegg får noko syre og friskheit er ein i mål. Fokuset på øl har endra seg mykje dei siste åra i Noreg. Vinmonopolet tek inn fleire øltypar, og seinast på torsdag var det ølslepp. Dei tilsette på Vinmonopola er kunnskapsrike og ønskjer å lære meir om øl. Ein stor fordel til oss som handlar og vil fylle handlekurva med gode kjøp.

Det er fult mogleg å halde seg til vin for dei som ønskjer det. Smaksmessig byr det på fleire utfordringar, men harmonisk sett kjem kvitvinen best mogleg ut. Retten treng rett og slett ikkje tanninane frå raudvinen.

Om kvitvin er noko som ikkje har falt deg inn, prøv det! Den kan gjerne vere ein kraftig kvitvin med eit innslag av eik. Områder som Burgund, Jura eller ”den nye verda” gjer susen. Eit anna alternativ vil vere ein fyldig og smaksrik Riesling. Den unike Rieslingen er utruleg matvenleg, og har eit stort spekter av kombinasjonstilpassingar.

DruefinMeursault
DruefinMeursault

Kvit Burgund frå Meursault er utan tvil ein klassikar. Området Burgund gir kvitvin ei ny betyding og gir deg oppleveringar ein aldri trudde ein kunne få. Fyrste gongen eg fekk smake ein Burgund kom denne tanken til meg. I hovudsak kan Meursault karakteriserast med aroma som smør, nøtter og fat. Gènot-Boulanger Meursault Clos du Cromin 2012 hamna valet mitt på. Vinen er ung, men byr på fylde og friskheit. Kort smaksnotat: • Nasen gir aroma som kan minne om krydder, sitrus, fersken, smør og fat. • I munnen byr den på saftige aroma som går mot mineralitet, fersken, smør og fat.

Retten krev vin med syre, friskheit og alkohol. Gènot-Boulanger gir alt, men så mykje meir. Vi er i mål, vinen passar som hand i hanske. Dette er moro!

Om du vil prøve noko nytt og glede deg over ei herremåltid, prøv dette!