Entrecôte på date?

Det er høge forventningar mellom partane. Spenninga fyller rommet, endeleg er det oss.

Ein vil gjerne ta og føle, masse, men så gjeld det å gå fram i rett rettefølgje. Respekt er nemleg nøkkelordet her. Framgangsmetoden er essensiell for eit perfekt resultat på kjøtet. 

Det er fredag, kanskje skal du på date? Ein kan puste letta ut når ein får konkret instruksar, nemleg at det vert servert entrecôte, så kva for vin skal ein ta med?

Ein kan drikke mykje godt til kjøtet, som ein India Pale Ale øl, men eg føretrekker ein fyldig raudvin med tanninar, god syre og masse smak. Det skal tross alt stå i stil med kjøtet.

Med desse kriteria har ein mykje å velje mellom. Gjerne ein spanjol laga på drua temperanillo eller ein cabernet sauvignon frå Chile eller sør-Frankrike.

Vinane frå Argentina er også godt egna. Dei er godt representerte på polet (seier heller ikkje nei til eit endå større utval), med god fylde, mykje smak, og til ein kjekk penge.

Personleg er eg svak for vinar frå nord-Rhône som ligger i Frankrike. Området produserer fabelaktig kvit-, og ikkje minst raudvin laga på 100% syrah. Desse vinane har god fylde, ei frukt som ikkje blir for varm, struktur, god syre og bra med tanninar. I tillegg er prisen heilt innanfor, med tanke på kvaliteten.

Akkurat i dag plukka eg opp Domaine Guillaume Gilles Cornas 2013. Ein vin som godt kan lagrast, men også nytast no. For å hjelpe vinen med å gi den optimale opplevinga fekk den ein tur i karaffelen. Vinen var praktfull med flott kropp, mørke bær, krydder, pepar og flotte tanninar.

Cornas er ein liten appelasjon/underområde som strekker seg over tre kilometer. Området har alltid stått i skuggen til Hermitage og Côte-Rôtie, men dette har endra seg litt med tida. Her finner du fleire gode produsentar, deriblant ColomboClape og Paris som også held til i Cornas.

Entrecôte er noko av det feitaste kjøtet som nyttast til heilsteiking. Kjøtet er også blant dei fem møraste stykkingsdelane frå kjøttfe. Mørheitsgrad er som følgjer: indrefilet, ytrefilet, entrecôte, mørbrad og flatbiff. Blant desse er entrecôte det einaste som vert henta frå fronten av dyret, då dei andre vert henta frå bakparten.

Når kjernetemperaturen når 58-60 grader tek du kjøtet ut av steikeomen, let kjøtet kvile i 30 minutt innpakka i aluminiumsfolie, med steiketermometeret stikkande ut. Ein kjernetemperatur på 60-62 grader gir ein saftig og medium steikt entrecôte.

Medan kjøtet kviler smekkar du saman tilbehøyret og sausen ei siste siste hand på verket. Middagen er klar.

Kjøtet ligg der så flott, den forguda entrecôten. Litt majestetisk faktisk.

Med gode råvarer er livet fullkome enten om det er på date, i godt veners lag eller for deg sjølv. Å vere livsnytar er heilt innanfor.

 

Si meg hva du spiser, så skal jeg si deg hva du er.

Jean Anthelme Brillat-Savarins