Anniken England

Kva mat kan ein servere til oransjevin?

Anniken England
Kva mat kan ein servere til oransjevin?

Med ingen unntak har dei beste stundene i livet mitt involvert vin, mat og godt selskap.  

Enda betre har dei enkelte stundene blitt då maten var enkel og råvarene har fått spele si rolle fult ut. Vinen skal helst vere noko eg ikkje har smakt før og som gir meg enda eit innblikk i kva som er å finne der ute.

I løpet av den siste veka har oransjevin vore tema på Druefin. På heimefronten har oransjevin vore i fokus lengre fordi det er så utruleg bra å servere til mat.

Start: Sebastien Riffault

Karen som verkeleg fekk augo mine opp for oransjevin var Sebastian Riffault. Han held til i Loire- dalen i Frankrike og tillit drua, Sauvignon Blanc, til å få skallkontakt i ulik grad. Ikkje berre imponerte vinane hans meg med sine konsentrerte aroma, struktur og tanninar, men også evna til å kombinerast med ei rekke matrettar. 

Les meir om Wine Makers Dinner på Don Pippo for nokre år sidan.

Sidan den gong har eg ikkje gløymt oransjevin, eller som Vinmonopolet har lagt inn stilen på i søkemotoren, “skallkontakt”. Det er fleire vinprodusentar innan denne stilen der ute som får innpass på Vinmonopolet og hjå dei mange restaurantane. 

Oransjevin kan kort beskrivast som kvitvin laga som raudvin, les meir om det her. 

Kvifor så bra til mat?

Det som karakteriserer mange mange av vinane med lang skallkontakt er at dei har god struktur og  tanninar  som i ein lettare (og tidvis meir krevjande) raudvin, samt friskheita frå ein kvitvin og stor smaksintensitet. Bakgrunnen er at druer er lagra frå svært små avlingar (lav avkastning pr. vinstokk), og med eit rikare aromauttrekk gjennom den lange skallkontakten der drueskinnet avgir mykje struktur. 

Vinstilen fører mellom anna til at vinene passer til mange matretter som  det  kanskje elles er vanskeleg å kombinere med vin.   

Fleire av vinane med skallkontakt som her er nemnd,  har kompleks aroma med innslag både av ferske frukter og bær, blomster, urter og lagringsaromaer. 

Kombinert med god smaksintensitet  gjer  det  at dei kan matchas med alt frå fisk , og  lyst og raudt kjøt til ost, skink, krydra mat, rettar med asiatiske innslag, gratinert løksuppe, fårikål, sopp og generelt umamirike rettar. 

Oransjevin, med dei stramme tanninane og utvikla aroma,  er krevjande for munnen. 

IMG_1323.jpg
IMG_1334.jpg
IMG_1327.jpg
IMG_1316.jpg
IMG_1338.jpg

Uvant til å begynne med

Utan noko form for introduksjon til vinstilen kan resultere i at ein opplever stor forvirring til vinen om ein i hovudsak kjenner til kommersielle viner. Det er likevel ingen fare å servere oransjevin så langt ein fortel om kva det er og gjerne starter introduksjonen mens ein serverer det til mat. Ein vil då oppleve at vinen gir eit langt betre matkombinasjon enn ein enklare kvit-, rosé- eller raudvin.  

Denne veka har eg introdusert deg til fleire av produsentane eg verkeleg set pris på. I tillegg har eg utallege andre eksemplar, ein smakebit er frå den Jaume frå Australia var forbi i Bergen denne våren.


Kva er oransjevin, eigentleg?

Les meir her, få også med deg meir informasjon om dei enkelte produsentane:  

Prøv gjerne ut ein eller fleire av dei anbefalte vinane. Du kjem sikkert opp med enda fleire rågode mat- og vinkombinasjonar, del gjerne med meg.

I neste veke er det hovudvekt på sider, utviklinga av dei norske produkta og bruksområde til mat.