Anniken England

Radikon bana veg for oransjevin

Anniken England
Radikon bana veg for oransjevin

Du kjenner sikkert til utallege mange store personar som har bana veg for det vi har i dag. Det er desse personane vi kan takka, både på godt og vondt. 

Det er fyrst  dei siste 20 åra at interessa for oransjevin har vakna til live  og  fått større plass på marknaden. Innanfor oransjevin er det ein figur vi må trekke fram, nemleg Radikon. I dagens tid blir han sett på som den ”moderne” oransjevinprodusenten. Sidan Radikon lanserte sin vin, har vinene  både  begeistra og forvirra vinentusiastar verda over. 

Då Radikon starta var ynskje hans å finne tilbake til teknikken  frå sine besteforeldre slik at han kunne skape ei ny framtid for dei  italienske Friulivinene. 

Teknikken kan daterast tilbake med over 5000 år og stammer frå  Caucasus som, som i dag er Georgia. Der vart  vinane  fermentert i store underjordiske behaldarar, Qvevri, som originalt var dekt med stein og bivoks.  Dagens moderne  oransjevinmakarar nyttar  framleis  denne gamle teknikken. Historisk vart skallmaserasjonsteknikken praktisert i Friuli. 

To argument Radikon hadde for å nytte seg av teknikken:

  1. Han følte at potensialet frå  Ribolla  Gialla-drua ikkje kom godt nok fram med den klassisk  kvitvinsframstillinga då det aller meste av aroma og smak er konsentrert i drueskinnet. 

  2. Teknikken for å framstille oransjevin beskytta vinen mot oksidasjon og resulterte i eit meir stabilt resultat. Attpåtil tilseier det at vinen kan lagast meir naturleg utan bruk av svovel eller andre kjemikaliar for å forhindre oksidasjon.  

Essensen i den unike framstillinga til Radikon er lang skallmaserasjon av kvitvinsdruer. Det gir ein karakteristisk  oransje farge og ei større aromaprofil. 

Enkelt kan eg forklare at dei lagar oransjevin (kategorisert som kvitvin på Vinmonopolet) hjå  Radikon som om det skulle vere ein raudvin. Når ein lagar klassisk kvitvin blir kvitvinsdrua pressa og juicen avrent utan at drueskinn og stein kjem i kontakt med druejuicen. Når vinen har skallkontakt i juicen opp til 4 månadar får kvitvinane deira ei djup guloransje farge og rikeleg  med  tanninar  eller garvesyre.  

I dag er det sonen, Sasa, som driv familieeigendommen. Han har med stort hell lansert ein yngre, meir fuktig stil med noko kortare skallmasserasjon, i tillegg til farens klassiske viner.   

Et dette til:
Min alle beste matkombinasjon til Radikon sin Oslavje Bianco 2011 var heilstekt and. Ved ein feiltagelse plukka eg med meg ei and framfor kylling på butikken. Kall meg gjerne distré. Poenget er at måltidet var nydeleg! 

Anda pleia vi godt med smør, salt og pepar. Den sat vi inn i omnen på låg temperatur i to timar til kjernetemperaturen viste ein 64 grader. Deretter fekk den kvile på benken til den nådde nesten 72 grader. Med god sjy vart det ferdigstilt ein nydeleg saus og enkelt grønt tilbehør. 

Så enkelt kan det gjerast! 

Om du er nysgjerrig på oransjevin og spesielt Radikon, kan eg ikkje gjere noko anna enn å sei – DETTE ER DET DU VIL PRØVE! 

 

Radikon Oslavje Bianco 2011.jpg

Smaksnotat: 

Radikon Oslavje Bianco 2011  

Varenr. 3581002

Klar oransje på farge. Svært aromatisk nase med tydelig preg av sitrus og modne frukter. I munnen har den blaute tanniner, sødmefull frukt og lang avslutning.

Terningkast:  6 I Poeng:  91 I Pris:  319,90 kr